ЖҮКТЕЛУДЕ

Сөзді еңгізіңіз

Басты ақпарат Тілтаным

Қазақта күрес болған ба?

әкімшілік 24/10/2018 829 рет қаралды

Ыспан

 

Бүгінде қазақ күресі қазақтікі ғана болудан асып, артылып, әлемдікке айналып барады. Осыған орай, қазақ күресі, қазақша күрес деген анайы аты оның таралу аясын тарылтатын болып отыр.

 

Мысалы,

— Біз неге бадырайтып қазақша күрес дейміз. Айкидо, дзюдо – жапонның күресі. Самбо – орыстың күресі. Бірақ жапон күресі, орыс күресі демейді ғой. Ертең әлемдік аренаға шыққанда біреулер қазақша күресуге келісе ме? [1];

— Үлкен жиындарда қазақтың күресімен қазақтар ғана күрессін. Бізге қажеті қанша деген сыңайдағы сұрақтар төтесінен қойылып келеді [2];

— Әлем біріншіліктерінде менен де неге қазақ күресі деп сұрап, түсінбестік танытқандар көп болды [3];

— Өзбек – кураш, татар – белбеу күресі, қырғыз – алыш деп атай бастады. Түрік, түркімен, әзірбайжан да ұлттық күресіне жаңаша ат беріп жіберген. … халықаралық федерация құрамына кіргуе қазақ күресі деген атау кедергі болып отыр … Көрші Қытай елі қазақ күресін бізде дамытудың ешқандай қажеті жоқ деп ашық айтып отыр. Себебі ол елде жүзден астам ұлт пен ұлыстардың күрестері бар [4]

дегендей пікір біраздан айтылып келеді.

 

Яғни

— бүкіл әлем жұрты айналысуы тиіс күресті қандай да ұлтпен байланыстырып, сонымен ғана шектей атау, оның қазақтікі екені  әрбір  аталған сайын көрініп, бетке басылып отыратын ету дұрыс емес әрі біздің өзіміз үшін тиімсіз жайт;

— не нәрсенің де атынан заты, мәні көрініп тұруы шарт. Ал қазақша күресте оның қандай күрес екені, қалай күресілетіні көрініп, бұл ретте қандай да бағдар беріліп тұрған жоқ. Ал аталған самбо, дзюдо, айкидо-лардың атауынан мәнін, қанадй күрес екенін болжауға, шамалауға болады;

— әсіресе, жиі айтылатын нәрсені бір сөзбен атау қажет. Үйткені, еш мәні жоқ артық сөз тіл үшін де, құлақ үшін де, уақыт, орын тұрғысында да артық әрі ысырапшылдық болады. Яғни қазақ күресі-ндегі қазақ сөзі күрес түсінігіне ешқандай мән үстемейді.

 

Ендеше қазақ күресін басқаша атауға келісесіз бе, оны қалай атауға болады?

 

 

сүйрет: informburo.kz

1-мақала, жалғасы бар

  1. Марат ЖАХИТ, күрестен ҚР мемлекеттік жаттықтырушысы //Аlashainasy.kz, Қазақ күресі/Қазақ күресі атауын тағы да өзгерту керек пе?
  2. Серік ТӨКЕЕВ, Дүниежүзілік қазақ күресі федерациясының президенті //Бұл да сонда
  3. Нұрғазы САСАЕВ, «Алаш айнасы»интернет-басылымының спорт шолушысы //Бұл да  сонда
  4. Төкеев С. Қазақ күресі //Ана тілі, 13-19.04.17, № 15
Кілттік сөздер:

You Might also Like

3 Comments

  1. Ажыхан 27/10/2018

    Келісемін, өте дұрыс мәселе. Менің ойымша бүгнгі қазақ күресіне БЕЛДЕСУ деген атау лайық.

    Ответить
  2. Әділбай. 27/10/2018

    Меніңше КҮРЕС деп атаса болады оның Қазақтікі екені аты мен киімінен көрініп тұр.

    Ответить
  3. Мұратқали 05/11/2018

    бел күрес

    Ответить

ПІКІР ҚАЛДЫРУ

Сіздің электронды поштаңыз жарияланбайды. Қатарды міндетті түрде толтырыңыз*