Тәуелсіздік тәттіден де тәтті мә?!

сүйрет : Myblogluba.blogspot.com

Ыспан

«Тәуелсіздік! Тәтті екен ғой, тәтті екен!»

Бұл – Роза Рымбаеваның орындауындағы отаншылдық ән, ән сөзі. Не деген сөз, не деген ән, не деген әншілік деп таңғалса да, тамсанса да болады.

Дегенмен …

әлдебір бала, бал бөбек балды, бүлдіргенді, торытты тәтті десе, оған сенер едік.

Ал бұл – қазақтың қазақ тілін сандыққа салып қойып, әлі орысша және енді оған аңғылша, қытайшаны қоса сөйлеп жүріп, екі сөзінің бірін папа, мама, понедельник, воскресенье деп шатып отырып айтқан – ән, шығарған – өлеңі.

Сірә, тәуелсіздіктің өзімізге не үшін, қаншалықты қажет екенін білмей-түсінбей-ақ, білгіміз-түсінгіміз келмей де, оның «тәттілігін» тамсана жырлап, әндеткенімізде әлемнің талай талант, дарыны жолда қаларлық. Мұндай әннен соң тәуелсіздіктің қадыр-қасиетін бұ дүниеде қазақтан артық түсініп-бағалайтын жұрт жоқ-ау деп жер-жаһанға жар салса да болардай.

Және бұл – кекесін емес, шындық та!

Қазақтың көбі «тәуелсіздік тәтті» десең, шын көңілмен келіседі. Тек ойы одан арыға бармайды да.